جمالك في بشرتك.. "الحياة اليوم" بتقدم لك ماسكات النشا لبشرة بيضاء زي التلج

عايزة طريقة طبيعية تتخلصى بيها من الخلايا الميتة وتفتحى بيها بشرتك؟ "الحياة اليوم" هتعرفك على طرق عملية ونتايجها ممتازة ومتجربة.

أهم حاجة فى الوصفات الطبيعية هى النشا، لأن النشا من أقوى المواد الطبيعية اللي بتعمل على توحيد وتفتيح لون البشرة.

وهنقول لك على كذا طريقة لعمل ماسكات النشا لتفتيح البشر.

أول حاجة ماسك النشا والزبادى لتفتيح البشرة

مكونات ماسك النشا والزبادي

١ ملعقة كبيرة نشا

½ ليمونة معصورة

٢ ملعقة زبادي

طريقة عمل ماسك النشا والزبادي

١- اخلطي المكونات السابقة للخلطة الطبيعية جيدا، وحطيها على بشرتك لمدة ٢٠ دقيقة.

٢- اغسلى بشرتك بالماء الدافئ، وكررى الخلطة مرتين أسبوعيا للحصول على أفضل النتائج.

تاني حاجة ماسك النشا والبطاطس

مكونات ماسك النشا والبطاطس

١ ملعقة صغيرة نشا

١ ملعقة صغيرة حليب بودرة

شريحة بطاطس مهروسة أو ممكن تكتفي بغلى البطاطس

طريق عمل ماسك النشا والبطاطس

١- اخلطي المكونات مع بعضها، وطبقيها على بشرتك لمدة ١٥ دقيقة، ويفضل أن يكون الخليط دافئا قليلا.

٢- بعد جفاف الماسك على بشرتك، قومى بغسله بالماء الدافئ، وضعى ماء الورد لغلق مسام بشرتك.

٣- إن كانت بشرتك دهنية، الأفضل تضيفي قطرتين من عصير الليمون للخليط.

للحصول على أفضل النتائج يمكنك عمل الماسك بشكل يومي.

تالت حاجة ماسك النشا وماء الورد

مكونات ماسك النشا وماء الورد

١ ملعقة كبيرة نشا

٢ ملعقة كبيرة ماء ورد

½ ملعقة صغيرة عسل أبيض

طريقة عمل ماسك النشا وماء الورد

١- اخلطي المكونات السابقة، وطبقيها على بشرتك لمدة ٢٠ دقيقة، وبعدين اغسليه برفق بالماء الدافئ.

هتلاحظي بمجرد ما تزيلي الماسك بفرق فى لون بشرتك.

رابع حاجة ماسك النشا والليمون

مكونات ماسك النشا والليمون

2 ملعقة كبيرة نشا

٢ ملعقة كبيرة عصير ليمون

½ ملعقة صغيرة كركم

ملعقة صغيرة صودا خبز

١ ملعقة ماء ورد

طريقة عمل ماسك النشا وعصير الليمون

١- اخلطى جميع المكونات جيدًا فى وعاء لحد ما يبقى قوامها متجانس.

٢- حطي الخليط على بشرة نظيفة وسيبه لمدة ٢٠ دقيقة.

٣- إذا كانت بشرتك جافة ضيفي ملعقة عسل.

خامس حاجة ماسك النشا والموز

مكونات ماسك النشا والموز

½ ثمرة موز

٢ ملعقة كبيرة نشا

ملعقة صغيرة زيت زيتون

طريقة عمل ماسك النشا والموز

١-اهرسى ثمرة الموز، وبعدين ضيفي لها باقى المكونات واخلطيها جيدًا.

٢- طبقي الخليط على الوجه وسيبيه لمدة ٣٠ دقيقة وبعدين اغسليه بالماء البارد.

سادس حاجة ماسك النشا والقهوة

مكونات ماسك النشا والقهوة

معلقة كبيرة نشا

 ملعقة كبيرة قهوة أو بن

ملعقة صغيرة دقيق شوفان

ملعقة صغيرة زيت جوز هند

طريقة تحضير ماسك النشا والقهوة

١- اخلطى جميع المكونات جيدًا فى وعاء.

٢- قومى بتوزيع  الخليط على البشرة ودليكها بحركات دائرية.

٣- سيبي الخليط على الوجه لمدة ١٥ دقيقة وبعدين اغسليه بالماء البارد.