الرئيس السيسى : أى مسؤول هيشتغل معايا هيتعذب .. ولازم أرتب ورق البلد
السبت 14/أغسطس/2021 - 12:22 م
الرئيس عبدالفتاح السيسي
هدي إسماعيل
طباعة
قال الرئيس عبد الفتاح السيسى، إن تكلفة تطوير الريف المصرى لا تتجاوز ثلث تكلفة الدعم، موضحًا أن "الدعم فقط 3 تريليونات جنيه.. وتطوير الريف وتحويله لحاجة تانية، هياخد ثلث الثمن ده.. أنا مش هلغى الدعم لكن هنعيد تنظيمه، وأنا بتصدى للقضايا زى ما تصديت لغيرها، ولازم أرتب ورق البلد دى عشان تبقى دولة ذات شأن".
وأضاف الرئيس السيسى، خلال كلمته بافتتاح عدد من المشروعات السكنية بمدينة بدر، اليوم السبت: "كل الناس تستقبل كلامى إنى باختار الطريق الصعب أوى.. لو اخترت الطريق السهل كنت سبت الغلابة كدا.. وكنت زودت الدعم والتموين وخلاص، وبقول مكلش وأعيش بالشكل الآدمى المحترم اللى بنتكلم فيه وبتكلم فى قضايا مصر عليها، مش عشان وجهة نظر.. لا قعدت 50 سنة أدرسه وأقول ليه البلد دى كدا؟.. ولازم البلد تتغير وأهلها يعيشوا.. وبجيب أمثله وأختار التوقيات اللى بكلم فيها الناس".
وتابع أن "الدولة المصرية مصرة على التعامل مع كل الملفات، موضحًا: "الحكومة بتتعذب معايا، وهتتعذب معايا، وأى مسؤول هيشتغل فى الدولة لازم هيتعذب، مش عشان العذاب هدف، لكن ظروف بلدنا بتطلب إننا نتعذب لها عشان نحول حياة الناس وحياة البلد من لا دولة إلى دولة".
واستكمل الرئيس السيسى: "البلاد اللى زى كده مش عايشة ومش شايفة وملهاش مستقبل، والولاد اللى تتربى فى مناطق زى دى يهدوا بلادهم، لأنهم مخدوش منها حاجة، والشخصية اللى هتطلع فى حياة بالطريقة دى مش هتطلع سوية وقادرة على العطاء".
جاء ذلك خلال افتتاح الرئيس عبد الفتاح السيسى، صباح اليوم السبت، من مدينة بدر لعدد من المشروعات السكنية المتنوعة.
