هالة الكردي تكتب| مين الصح؟ الزميل «العصفورة»
السبت 16/أكتوبر/2021 - 03:54 م
هالة الكردي
طباعة
زميلنا في الشغل الذي يقال عليه "عصفورة" ده بسبب أنه بينقل كل كبيرة وصغيرة للمدير عارفينه؟
مش يمكن يعني هو مش عصفورة بس هو شايف من وجهة نظره أنه من باب الأمانة لازم يوصل أي معلومة وكل هفوة حتي لو لم تكن مهمة علشان يبقي ابرأ ذمته أمام الإدارة وأمام ربنا، لو أي حاجة حصلت نتيجة الذي سمعه أو شافه!
مثلا لو سمع زميله مخنوق أو متضايق من حاجة في الشغل يبلغ بها، لو رأي زميل أخر معترض علي حاجة في شغله مثلا ولا مرتبه ولا ترقيته الذي تأخرت، ولا سمع أن زميل ثالث يبحث علي فرصة عمل أحسن!
لو عرف أن زميله مريضة فنشر الخبر عشان باقي الزملاء يواسوها ويقفوا جنبها! أو حتي مناسبة عند أي زميل نشرها من باب المشاركة!
ما الذي ينقل الأخبار سوف ينقلها دفعة واحدة سواء حلوة أو غير ذلك، سعيدة كانت أو حزينة، لم يختار ماذا يقول، هو بينقل من باب تغطية الحدث.
في هذه الحالة هو صح و لا غلط و دي فعلا أمانة ولا فتنة الذي قيل فيها إنها أشد من القتل؟
ولا فضول ولا تطفل ولا فراغ ولا بيكون تصنيفها إيه؟
