خطوات بسيطة لخفض قيمة قسط سيارتك الشهرى بـ«مبادرة الإحلال»
الخميس 09/ديسمبر/2021 - 05:40 م
خطوات السيارات
رشا ثابت
طباعة
كشفت الصفحة الرسمية لـ «مبادرة الإحلال» وتحويل السيارات المتقادمة بأخرى جديدة للعمل بالطاقة النظيفة، طريقة تقليل قيمة القسط الشهرى للسيارة فى المبادرة.
وذكر الحساب الرسمى لـ مبادرة الإحلال على موقع التواصل الاجتماعى: «دلوقتى مع بنك التعمير والإسكان وبنك قناة السويس.. تقدر تدفع أى مبلغ مقدم عشان تقلل قيمة القسط.. طب ازاى تعمل كده؟.
وأوضح الحساب الرسمى للمبادرة: «لو لسه هتسجل جديد تقدر تضيف ضمن المستندات اللى هترفعها على الموقع اقرار بسداد مبلغ مقدم قيمته بالجنيه.. أما لو سجلت وطلبك فى مرحلة انتظار الموافقة المبدئية من شركة السيارات تقدر تعدل البنك اللى اختارته وتختار بنك التعمير والإسكان أو بنك قناة السويس وتضيف ضمن المستندات على الموقع اقرار بسداد مبلغ مقدم معين قيمته بالجنيه».
وأكمل: «لو طلبك فى انتظار موافقة البنك تقدر تكلم خدمة العملاء على 15707 وتحول إلى بنك التعمير والاسكان أو بنك قناة السويس، وتقدم للفرع اللى هتختاره اقرار بسداد مقدم بمبلغ معين بالجنيه».
ونوهت: «خلى بالك.. تجهز المبلغ اللى عايز تدفعه مقدم عشان هتدفعه لـشركة السيارات (مباشرة) بعد ما تجيلك رسالة تخصيص الشاسيه والموتور».
