الإعلامى سيد على ينتقد الهجوم على معلمة الدقهلية: كلنا بنرقص ياعزيزى (فيديو)
السبت 08/يناير/2022 - 11:57 م
لما محمد
طباعة
انتقد الإعلامى سيد على، الهجوم التى تعرضت له آية يوسف معلمة الدقهلية بعد قيامها بالرقص فى أحد الرحلات النيلية وتم نشر فيديو لها عبر مواقع التواصل الاجتماعى كان السبب فى طلاقها من زوجها وفصلها من عملها.
وقال “سيد علي” خلال تقديم برنامجه “حضرة المواطن” المذاع على فضائية “الحدث اليوم” اليوم السبت: “ايه الفرق بين الشخصين اللى تسببوا فى انتحار بسنت خالد وبين اللى هاجموا الست التى رقصت”.
وأضاف “الست اطلقت واترفدت وأسرتها ادمرت واحتمال الست تنتحر وحصل معاها زى الوالدين اللى ابتزوا بسنت خالد ودول لا يقل بشاعة عن الشخصين اللى تسببوا فى انتحار بسنت”.
وتابع “من امتى الواحد بقينا مجتمع سلفى جدًا. أنا دخلت جامعة القاهرة فى منتصف السبعينات كانوا بيلبسوا قط وعمرنا ما فكرنا ايه اللى بيحصل فى مصر”.
واستطرد “فيه حاجة غريبة احنا بقينا مجتمع سلفى. هل اللى نشروا الفيديو ضميرهم مستريح كلنا بيرقص بشكل أو بآخر كلنا بنرقص يا عزيزي”.
وأردف “من فضلكم إحنا ليه مهتمين بغيرنا ليه كل واحد يصلح أخطاؤه ويسأل نفسه هل يتقى الله فى عمله أو فى بيته وبلاش نروح ننصح الآخرين كبر مقتًا أن تقول ما لا تفعلون”.