انصح نفسك الأول .. عصام الحضري يرد على أحمد شوبير برسالة ساخرة
الأربعاء 03/سبتمبر/2025 - 05:40 م
تجددت الأزمة بين نجوم الكرة المصرية بعدما قام حارس المرمى الأسطوري عصام الحضري بالرد بشكل حاد على الإعلامي أحمد شوبير.
جاء رد الحضري على خلفية تصريحات لشوبير انتقد فيها المزاح مع جهاز المنتخب الوطني بقيادة حسام حسن وإبراهيم حسن.
وكتب الحضري عبر حسابه على موقع التواصل الاجتماعي «فيس بوك»«: «مذيع الإسقاط والتنمر والكيمى كيمى كا والكيمى كيمى كو بيقول نصائح، طيب أنصح نفسك الأول يا رأس الأفعي والفتنة والتعصب».
وكان شوبير قال في برنامجه على قناة «الأهلي»: «مفيش داعي حد يطلع يقول حد يطلع يقول كلمة على حسام حسن وإبراهيم حسن ويغلس عليهم. المفروض المسؤولين هما أكتر ناس تساند».
وتابع: «إيه الاستفادة يعني؟ في منظومة في اتحاد الكرة بتحاسب اللاعيبة لما تغلط. أنا هفترض إنك قايل الكلمة بهزار ولكن ده مش وقته وأنا مش هكرر الكلمة اللي اتقالت».
وأضاف: «إحنا في أسبوع مهم وممكن نوصل فيه لكاس العالم، وكان ممكن تكتم الكلمة دي جواك ولما نوصل ابقى قول اللي يعجبك، وعاوزين نحب بعض شوية والحاجات الصغيرة دي مبتقاش ما بينا».
