أمينة رزق الفنانة التي غير ملك المغرب القانون لأجلها.. فيديو يروج له يوتيوب
فقالت أمينة رزق: جزء؟! المسرح أخذ كل حياتي.. تقدر تقول العصر الذهبي للمسرح.
رد: دايما يتقال إن مسرح الستينيات قد تألق.
فقالت: تألق لكن مش عصر ذهبي زي مسرح رمسيس. لما كانت بتيجي فرق أجنبية، كانوا بيندهشوا إزاي فيه فرقة مصرية بهذا الشكل. كان حاجة لها طابع عجيب من الرهبة والإتقان والصدق و.. كل حاجة كانت في مسرح رمسيس.
سأل مفيد: الستارة الحمرا اللي كانت بتتشد ببطء؟
أجابت: ما هو كان واحد اللي بيشدها، كان اسمه عبد القادر.
وتابعت أن الستارة لها رونقها، بتحجب الفنان عن الجمهور، وبعدين تنكشف له.
وسخرت من الديكورات والماكيتات الحديثة، وقالت: لازم أشوف باب حقيق أشوف شباك.. أشوف كل حاجة على الطبيعة
وعن زيارتها لتونس سألها: هم كرموكي ولا توجوكي؟
أجابت أمينة رزق: توجوني، مش كرموني.
فعلق مفيد: تتويج، يعني أرفع درجة.
وقالت الفنانة الراحلة أمينة رزق: الحقيقة شمال إفريقيا كرموني كتير، يعني عندي نيشان من الملك محمد الخامس الله يرحمه.
وكشفت أمينة رزق سرا عن ذكرى النيشان، قالت: كان في المغرب قانون أن النياشين لا يحصل عليها سيدات، وتابعت: فلما رحت للمغرب، الملك محمد الخامس سن قانون خصيصا عشان يقلدني النيشان.
لمشاهدة الفيديو على قناة جميل مغازي على يوتيوب اضغط هنا