فيديو-سيد على يفتح النار على محمد صلاح: بيلعب بالشوكة والسكين
السبت 09/أكتوبر/2021 - 09:23 م
محمد صلاح
علي أحمد
طباعة
شن الإعلامى سيد على، هجومًا حادًا على لاعبى منتخب مصر بعد أدائهم بالأمس أمام المنتخب الليبى رغم الفوز بنتيجة هدف نظيف فى التصفيات الإفريقية المؤهلة لمونديال كأس العالم 2022.
وقال "سيد" خلال تقديم برنامجه "حضرة المواطن": "الأسماء حلوة وكبيرة وجبنا جون بالعافية معقولة بجد الراجل اللى جاى جديد اختار عمر مرموش ولكن مينفعش، محمد صلاح مثلُا بيلعب بالشوكة والسكينة".
وأضاف "الننى الحقيقى مش هنا وخط الوسط كلهم عندهم بطئ، محمد صلاح فى ليفربول غير محمد صلاح فى المنتخب لسة بيفكر بعدين يباصى وبعدين يرجع وده لعب انتهى من زمان، وطارق حامد داخل للحكم يقولوا اطردنى، أنا مش بفتى بقعد أشوفها فى أساسيات كرة القدم".
وتابع "الأسماء اللى كانت موجودة مينفوش فى وسط الملعب كان لازم محمد شريف ومدى افقشة يكون موجود، اقفشة مثلًا أحسن من الننى، وعندنا الراجل اللى تف على المدرب السابق اتحاد الكرة وراح جابه، ربنا يستر وكيروش لازم يشوف المسألة مش عند أنت بتلعب باسم مصر، انت مش معاك سلطات مطلقة احنا برضو بنفهم ولعبنا كرة".
