إيه الكليات اللي ليها اختبارات قدرات ولازم تجتازها علشان تقدر تدخلها ؟
الجمعة 22/يوليو/2022 - 05:25 م
ندا مازن
طباعة
اختبارات القدرات
- اي الكليات اللي ليها اختبارات قدرات ولازم تجتازها علشان تقدر تدخلها ؟
• كليات الإعلام.
• كليات الفنون الجميلة ( فنون ، عمارة ).
• كليات الفنون التطبيقية بجامعات( حلوان ، دمياط ، بنها ، بني سويف ).
• كلية التربية الموسيقية بالزمالك جامعة حلوان.
• كلية التربية الفنية بالزمالك جامعة حلوان.
• كلية التربية الفنية جامعة المنيا.
• كليات التربية الرياضية.
• شعبتا التربية ( التربية الفنية والتربية الموسيقية ) بكليات التربية النوعية ، وشعبة المسرح التربوي بكلية التربية النوعية جامعة المنصورة وفرعيها ( ميت غمر، منية النصر ).
• شعبتا التربية الفنية بكليتي ( التربية بالإسماعيلية جامعة قناة السويس وكلية التربية بالسويس جامعة السويس )
• كلية التربية بالإسماعيلية ( شعبة التربية الموسيقية ) ج قناة السويس.
• الكليات التابعة للجامعات التكنولوجية ( كلية تكنولوجيا الصناعة والطاقة بجامعة القاهرة الجديدة التكنولوجية ، وكلية تكنولوجيا الصناعة والطاقة بجامعة الدلتا التكنولوجية ، والكلية المصرية الكورية لتكنولوجيا الصناعة والطاقة بجامعة بني سويف التكنولوجية ).
• كليات التمريض والمعاهد الفنية للتمريض.
• كليات السياحة والفنادق.
-
- هسجل وأختار ميعاد لاختبار القدرات الخاص بيا امتي وفين وهختار الكليه اللي عايز أقدم فيها اختبار قدرات ؟
• عن طريق موقع التنسيق الإلكتروني 👇
http://www.tansik.egypt.gov.eg
- اي الخطوات اللي المفروض أعملها علشان أسجل علي الموقع لاختبار القدرات لكليه معينه ؟
• هتدخل علي موقع التنسيق الإلكتروني ، هتختار منه صفحه اختبار القدرات الموجوده عليه 👇
www.tansik.egypt.gov.eg
• هتبدأ تسجل لأداء اختبارات القدرات باستخدام الرقم القومي ورقم الجلوس
• بعدها هتظهرلك بياناتك الشخصيه المكونه من ( رقم الجلوس ، اسم الطالب ، الرقم القومي ، المحافظة ، الإدارة التعليمية ، المدرسة ، الشعبة التي درسها الطالب " علمية ، هندسية ، أدبية " ) وعليك انك تراجع بياناتك وتتأكد إنها مكتوبه صحيحه.
• هتظهرلك بعدها قائمة بأنواع اختبارات القدرات المتاحة ليك ، والكليات ، والأماكن المخصصة لأداء هذه الاختبارات ، والمواعيد المحدده.
• هتختار نوع القدرات ، والمواعيد ، وهيتم تحديد الموعد اللي هتروح بيه الكلية لامتحانك اختبار القدرات ، ( مع العلم إن قدرات كليات التربية الرياضية تستمر لثلاثة أيام متتالية ).
• بعد ما تخلص تسجيلك ، هتطبع إيصال يشمل أنواع القدرات اللي اختارت إنك تختبر فيها اختبار قدرات ، والمواعيد ، وأماكن أداء هذه الاختبارات بالكليات.
- الإعلان عن نتائج اختبارات القدرات هيتم ازاي ؟
• الكليات ملزمه إنها تبعت نتائج الامتحانات مباشرة من خلال الصفحة المخصصة للكلية على موقع التنسيق الإلكتروني ، لكل الطلاب اللائقين من المتقدمين لهذه الاختبارات ، بعد ما تتأكد من صحة رقم الجلوس واسم الطالب ومن ثم وهيتم تزويد برنامج التنسيق الإلكتروني بأسماء وبيانات الطلاب اللي اجتازوا هذه الاختبارات وهتفتحلهم في التنسيق وتكون مرشحه ليهم ويقدروا يختاروها والكليات مسئولة عن النتائج خلال الفترة الزمنية المخصصة لذلك ، ولن يعتد بأية نتائج أخرى بعد إغلاق موقع التنسيق الإلكتروني.
- هل لو دخلت اختبارات قدرات مره ورسبت فيها ينفع أعيدها تاني ؟
• اختبارات القدرات بيتم امتحانك ليها مره واحده فقط في المواعيد المحدده ، ولو رسبت فيها مينفعش تعيدها مره تانيه أو تقدم عليها تاني ، سواء بالكلية نفسها أو بكلية أخرى.
- اي الأماكن المخصصة لأداء كل اختبار قدرات ؟
( تابع الصور الموجوده في البوست موضح فيها كل مكان وكل محافظه خاصه بامتحان قدرات كل كليه منهم )
