تافه وجاهل.. محمد الباز يرد على وصف ساويرس الإعلاميين بالمطبلاتية

وكتب الباز عبر حسابه بالفيس بوك: "الأخ نجيب ساويرس الحقيقة راجل يعانى من فراغ كبير ربنا يعينه على نفسه، ولأنه بيعانى من فراغ فتلاقيه من وقت للتانى بيمارس شكل من أشكال التفاهة، والشهادة لله هو تافه محترف، المشكلة انه أثبت كمان انه جاهل ميعرفش لا ايه اللى حاصل فى البلد ولا ايه المفروض الاعلام يعمله ، ولأن نجيب تافه وفارغ وجاهل ... فأنا مش هانزل لمستوى تفاهته وجهله وأرد عليه، لأن الحقيقة عندنا حاجات أهم منه بكتير .".

وكان حساب يحمل اسم "أسامة سعد شحتة"، قد نشر صورة "معدلة" تجمع 6 إعلاميين، على رأسهم همرو أديب، يحملون "طبلة"، ليقوم نجيب ساويرس بتغريدها مرة أخرى على حسابه، كاتبًا عليها :" فيه واحد ناقص...".

الصورة كانت تجمع كلا من: عمرو أديب، أحمد موسى، مصطفى بكرى، محمد الباز، معتز بالله عبد الفتاح، تامر أمين.

بخافش غير من ربنا

وسأل أحد المتابعين "ساويرس": "أنت مش خايف وأنت بتجيب سيرته"، ليجيب: "أنا ما بخافش غير من ربنا، وعلاقتى بيه الحمد لله قوية، على أساس إنه غفور رحيم، علشان ذنوبى".