محمد رمضان: بتعامل إني علامة تجارية في حد ذاتي
السبت 03/يونيو/2023 - 06:59 م
أحمد مازن
طباعة
تحدث الفنان محمد رمضان عن لقبه بـ نمبر وان والأغانى التى يقدمها، وبجانب ذلك حديثه عن صداقته بالمهندس نجيب ساويرس ولاعب الكرة محمد صلاح.
وقال محمد رمضان خلال حواره فى برنامج ضيفى مع الإعلامى معتز الدمرداش: الجمهور ادانى إشارة إنه حب أغنية نمبر وان اللى عملتها الأول فى إعلان إحدى الشركات.. واللى عمل مسلسل الأسطورة وابن حلال ونسر الصعيد وقلب الأسد ينفع يعمل أغنية اسمها نمبر وان.
وأضاف محمد رمضان: مفيش مغنى بيغنى للذات.. المهندس هيبقى حابب يسمع أغنية نمبر وان والدكتور والنجار، ولقب نمبر وان بقى براند وبشكر سوق الإعلانات فى مصر اللى من خلاله درست التسويق وعجبنى الفكرة.
وعن سؤاله بأنه مؤمن بالفعل بـ لقب نمبر وان أم مجرد تسويق، ليرد قائلًا: لاء طبعا للتسويق وبتعامل أنى علامة تجارية فى حد ذاتى، وأنا منتج يمكن تقديمه بيبيع فى السينما وفى المسرح وبيبيع فى الدراما وبجيب إعلانات، ومفيش ولا فنان عربى عنده على يوتيوب 5 مليار مشاهدة.. أنا عندى 5 مليار و100 مليون وعلى تيك توك عندى 9 مليار.
الكلمات المفتاحية
