مي فخري: اكتشفت اني ما نمتش من 15 يوم.. وصراعي مع الجن أفظع من أفلام الرعب
اكتشفت اني ما نمتش من 15 يوم
وبعد اليوم الذي أتاها فيه هبوط بالدورة الدموية، وتجاهل المنتجة لحالة مي فخري وإهانتها، قالت "بدأت أفوق مرة بمرة. بعدها على طول عرفت إن أنا مسّني سحر. وده لا شعوذة ولا أي كلام.. أنا حسيت.. بدأت حاجة غير طبيعية تحصل لي، بدأت أتعب.. عندي صداع طول الوقت في مكان معين.. بدأت ما احسش بالوقت، بدأت أتخنق، بدأت ما اقدرش أبصّ في المرايات"، وأضافت مي فخري "بدأت ما اقدرش أطلع من أوضتي أشوف بناتي، بدأت أنعزل عن الدنيا واحدة واحدة.. اكتشفت إني بقالي 15 يوم ما نمتش... 15 يوم ما لهاش أي علاقة بأي حاجة يعملها أي بني آدم طبيعي.. كل ده فاكراه يومين تلاتة.. شكلي بيتغير، صوتي بيتغير. ده اللي اتحكى لي، كل حاجة بتتغير".
بابص في المراية لقيت وحش ورايا
وتابعت مي فخري "لحد اليوم اللي أنا شفت فيه بعيني، وربنا شاهد ع اللي باقوله.. في حركة عادية وانا بالم شعري بإيدي بابص في المراية لقيت شخص ورايا، شفته، ومن اليوم اللي شفت فيه الشخص ده بدأت معاناتي، مش قادر أحكي علشان ما تخافوش، بس انا كنت مسمياها مرحلة الوحش، ودي مش تهيؤات وما كنتش مجنونة.. واللي انا فيه ما فيش حد من الدكاترة فهموا إيه اللي بيحصل ده وليه. بقيت باحارب من بعد المغرب على طول بقيت باحس بحاجات غريبة جدا".
أول ما اسمع صفارة ف ودني الشمال تبدأ المعركة
واختتمت الفنانة مي فخري بقولها "كل يوم من أول ما اسمع صفارة في ودني الشمال كل الجزء الشمال من وشي بيتغير وما بابقاش حاسة بيه تماما، فعلشان ولادي ما يشوفوش حاجات كارثية، بقيت بادخل أوضتي وأقفل على نفسي. كل يوم من بعد المغرب لحد قبل الفجر وانا في معركة. والله العظيم وحياة بناتي باخرج كل يوم من الأوضة كأني مضروبة علقة. عارفين الحاجات اللي بنشوفها في أفلام الرعب ما فرقش عنها".
لمشاهدة الفيديو على إنستجرام على هذا الرابط:
https://www.instagram.com/tv/B_sfJMRnnw_/?utm_source=ig_web_copy_link
اقرأ أيضا:
مي فخري: ما لبستش حجاب.. ومرضي الشديد رسالة من ربنا إني أرجع له
رسالة مي فخري التي كان وراء اعتزالها الفن وارتدائها الحجاب
الفنانة مي فخري ترتدي الحجاب وتؤكد: أصدقاء السوء شككوني في الله
"دايما في قلوبنا".. ذكرى رحيل قنصل السينما
