فيديو| شهيرة تحكي آخر ليلة بحياة محمود ياسين وسر خطف الموبايل منه
حكت الفنانة شهيرة زوجة النجم محمود ياسين عن آخر يوم وهو في العناية المركزة؛ ردا على سؤال منى الشاذلي في برنامجها "معكم" المذاع على قناة سي بي سي CBC، حيث سألتها منى بقولها: آخر ليلة عملتي له اختبار قلتي أنا مين في التليفون؟
فأجابت شهيرة: عمرو راح، وقال لما دخلت عليه كانوا مقعدينه، فأول ما شافه محمود يس قال له: عمورة. فعمرو فرح قوي لأن بقاله كتير ما دلعوش. إزيك يا حبيبي.. مش عارفة إيه، لكن عمورة دي اللي دايما يقولها له بقى له كتير ما سمعهاش.
وتابعت شهيرة حديثها عن آخر يوم للفنان محمود ياسين: عمرو قال له إزيك يا بابي؟
قال له: الحمد لله أنا كويس.
قال له: إنت صحتك تمام؟
فعمل محمود ياسين بصابعه علامة "كده".
قال له: وهنا الجماعة عاملين معاك إيه؟
قال له: والله ممتازين.
عمرو سمع إن محمود يس هو كده، قال لما أكلم أمي بسرعة، أخليها تتطمن وتسمع صوته؛ لأنه كان في الفترة دي كانت خلاص الدنيا بتبوظ. كان في الحالات الحرجة.
علقت منى الشاذلي: يعني هو كان عضوا وجسديا وعمريا حالته صعبة.
ردت شهيرة: فكون إننا نشوف اللقطات دي بالنسبة لنا مبهرة.
قلت: إنت عارف أنا مين اللي بتكلمك؟ قال لي محمود ياسين: هاه.. ده كلام برضه؟!
قلت له معلش يا حبيبي أنا مش باجي لك علشان أنا عندي برد. أنا خايفة آجي لك علشان ما تتعديش. قال لي: سلامتك يا حبيبتي.
قام عمرو خاطف منه التليفون علشان يكلم عياله.
وكان محمود ياسين توفى يوم 14 أكتوبر الماضي، عن عمر يناهز 79 عامًا، بعد صراع طويل مع المرض. واختفى عن الظهور منذ شهر مايو الماضى نتيجة معاناته مع المرض، وكان آخر ظهور له في صورة نشرتها ابنته الفنانة رانيا محمود ياسين على "إنستجرام"، لها هي ووالدها وزوجها الفنان محمد رياض. قبلها نشر حفيده محمود عمرو صورة له مع جده؛ لينفي شائعات وفاه محمود ياسين.
أما آخر ظهور للفنان محمود ياسين في السينما فكان قبل 6 سنوات، عندما شارك في بطولة فيلم "جدو حبيبي"، وآخر أعماله المسرحية هي المسرحية الغنائية "مصر فوق كل المحن" عام 2014.
لمشاهدة فيديو لقاء شهيرة مع منى الشاذلي على قناة CBC اضغط هنا
اقرأ أيضا:
فيديو| شهيرة: قلت لمحمود ياسين سيدات كرهوني لما اتجوزتك قال ستات عبيطة
فيديو| شهيرة: قلت لمحمود ياسين سيدات كرهوني لما اتجوزتك قال ستات عبيطة
