أول حوار مع طفل المرور ابن المستشار: أنا شقي وربنا بيسامح
أجرى صاحب قناة "في السكرتة" على يوتيوب حوارا مع طفل المعادي طفل المرور ابن المستشار، الذي أحدث ردود فعل شديدة بعد تصوير فيديوهات يتسهزئ فيها من رجال المرور هو عيال من زملائه، وعرفنا أن الطفل اسمه أحمد، وبدأ صاحب القناة بقوله: أحمد عاوز يوصل رسالة لمتابعي السوشيال ميديا بخصوص المشكلة اللي هو تسبب فيها.
فيديو لقيت الطبطبة.. طفل المرور ابن المستشار يواصل تصرفاته وألفاظه النابية
ووجه لطفل المرور أسئلة، منها:
احكي لي كواليس اللي حصل؟
فقال: الفكرة أن فيه واحد صاحب بابا قوي، اشترى منه العربية، وأنا بازورها لقيته حاطط المفتاح فأخدته، وقلت ألف بيها لفة.
لقيت أمين الشرطة خبط المرايا، فأنا جريت.
فيديو لميس الحديدي عن طفل المرور ابن المستشار: سلوكه متعلمه من البيت
سأله: ليه عملت كده؟
أجاب: خفت ياخد النمر؛ لأنها مش عربيتنا. فقمت رايح رجعت له تاني، وحصل اللي حصل في الفيديو.
وقال: أنا بس طالع أعتذر للناس كلها، وأعتذر لأي حد أن ضريته، وأنا اعتذرت لأمين الشرطة، وباعتذر لوالدي عشان أتشحطط ورايا في النيابة وف الأقسام.
: طاب إيه اللي اتعلمته م اللي حصل؟ الناس قالت إنك مش متربي.. أنا آسف، لكن ده اللي حصل.
رد: أنا عارف.
: أنت شايف إيه؟ شايف ده منطقي؟
: لا طبعا، شايف أن انا غلطت، والناس ما تعرفنيش فطبيعي يقول كده.
: أنت كام سنة؟
: 13.
: بتدرس إيه؟
باستنكار: إيه بادرس إيه؟!
: في سنة كام يعني؟
: في تانية إعدادي.
فيديو لميس الحديدي عن طفل المرور ابن المستشار: سلوكه متعلمه من البيت
: يعني اتعلمت من الموقف؟
" طبعا.. أي حد عنده ولد شقي، ربنا ما يحطكم في الموقف ده، فربنا بيسامح، إنتو مش هتسامحوني؟
: ربنا بيسامح، لكن الناس مستاءة م الموقف.
: حقهم.
: الكلام ده هيتعمل تاني؟
: لا مش هيتعمل.. خلاص.
يذكر أن أحمد طفل المرور، والمعروف بطفل المعادي وابن المستشار أحدث ضجة في مواقع السوشيال والمواقع الإخبارية والقنوات الفضائية باستهزائه من أمين شرطة، وتماديه بنشر فيديو آخر كرر فيه فعلته، كما عمل بث مباشر بألفاظ نابية، متحاميا في أنه ابن القاضي، وأنه فوق القانون.
لمشاهدة الحوار مع طفل المرور طفل المعادي ابن المستشار ابن القاضي اضغط هنا